2014-10-03

My eerste preek....

Vandag voel ek my genope om bietjie dieper te raak. Elke mens wat hier lees, struggle met iets. Jou huwelik, geldsake, jou werk, kinders, jou gewig, studies, jou vel, of wat ook al. Daar is nie 'n mens op hierdie aardbol met 'n perfekte lewe nie. Trust me. Dit lyk dalk van buite af so, maar jy wil nie regtig plekke ruil met iemand anders nie. Elke mens het sy eie paadjie met sy eie battles en demons wat hy moet fight. Vat nou sommer randomly 'n ou soos Ernie Els. Ziljoener, vlieg van gholftoernooi na gholftoernooi in sy privaatstraler, sien die mooiste plekke op die aardbol en maak miljoene dollars uit sy hobby uit. Hy sit met 'n outistiese kind. As jy vandag nou vir hom kan sê: Gee my al jou geld en ek maak jou seun een honderd persent normaal, wat dink jy gaan hy sê? Arme Joost. Die wêreld aan sy voete gehad. Deur miljoene bewonder en aanbid. Daar sit hy in 'n rolstoel en wag op die einde. Ek dink elke dag aan sy woorde op Carte Blanche: Daar is net twee dinge op hierdie aarde wat geen geld ooit kan koop nie. Tyd. En Gesondheid. Neem 'n oomblik en dink daaroor. Dink aan Oscar en Reeva. Geleef op die kruin van die golf. Gewild, geliefd, skatryk. Hier sit ek op hierdie plek en verslind tydskrifte en nuusbrokkies oor mense se lewens wat almal meer glamorous as myne is. Okay, daai is nou nie 'n tall order om 'n meer glamorous lewe as ek te hê nie, maar nog steeds. Al die rooitapyt geleenthede, die karre, die klubs, die partytjies, die lywe.....alles dinge wat jy dalk begeer. Alles weggevat in een mal oomblik. Weereens, as jy vir Arnold Pistorius moet vra wat hy sal betaal dat 14 Februarie 2013 nooit moes gebeur nie? Ek is doodseker hy sal in 'n oogwink sy en sy hele familie se fortuin met 'n smile op sy gesig oorhandig. So kan ek aangaan.
Dalk is daar iets wat jy graag wil doen. Jy dink al jare lank daaraan. Dalk wil jy begin swot. Dalk 'n nuwe kuns aanleer, hoe vervelig of eenvoudig dit ook al mag lyk vir ander mense, dalk net sommer iets soos mosaiekwerk. Ja, dalk wil jy 'n spieëlteel plak op 'n stuk masonite en mosaiekteeltjies, gom, 'n tangetjie en grout gaan koop en iets mooi maak vir jou kamer waarna jy elke dag kan kyk en dink: EK het dit gemaak. Dalk wil jy begin oefen. Gewig verloor. Fiks word. Ophou rook. Ophou drink. Leer kook. Leer koek bak. Motorfiets leer ry. Oorsee gaan. 'N vreemde taal aanleer. Dalk wil jy die USN Challenge nog altyd gevolg het en net vir een maal in jou lewe 'n klipharde maag hê met 'n six pack. Dalk wil jy 'n hondjie hê. Of nog 'n kind. Maak nie saak wat is jou droom nie. Dis JOU droom. Maar daar is hindernisse in jou pad. Tyd. Geld. Jou ouderdom. Dan wil ek nou vandag vir jou sê: Dink aan 'n tyd die toekoms in, 10 jaar van nou af. Dink net hoe jy DAN gaan voel. Onthou een ding: Jy gaan nooit weer so jonk wees soos wat jy vandag is nie. Dink jy nie jy gaan oor 10 jaar dink, shit ek moes dit daai tyd gedoen het nie?! As ek begin swot het was ek nou lankal klaar! As ek daai tyd net 5kg 'n jaar afgeskud het, was ek nou 50kg ligter! As ek net van daai dag af R300 'n maand gespaar het, kon ek nou oorsee gegaan het! As ek net daai tyd opgehou rook het en begin oefen het! Al het ek net begin stap!! Hou op verskonings maak maatjies! Daar gaan nooit 'n "regte tyd" wees om iets te doen nie. Die regte tyd is NOU. Vergeet van die weer wat nie lekker is of jy wat nie die regte klere het of jy wat te oud is en dit te laat is vir sulke goed, vergeet van dit! Moenie alles uitstel en hindernisse in jou eie pad plaas nie. Goed soos: eendag as die kinders klaar is met skool, of, eendag as ek op die platteland bly, of by die see afgetree het. Daai "eendag" kom dalk nooit. En nee, jys reg, ek weet nie wat in jou lewe aangaan nie. Ek bewonder maar ook mense wat die guts het om als te verkoop en 'n seiljag te koop en om die aarde te vaar. Ek praat nie van iets so radikaal soos dit nie. Daai mense het maar almal iewers geld, trust me. Ek wil ook graag alles verkoop en met 'n RV vir 'n jaar lank deur Amerika gaan toer. En eet by al daai plekke wat feature op Diners, Drive-ins and Dives. Maar let's face it, ek dink nie dit is realisties nie. Ons normale mense moet ongelukkig elke maand die debietorders uitkraam vir medies, polisse, versekering, huishuur, kos, klere. So ek kry dit. Maar iewers, êrens, moet daar iets wees binne jou vermoë wat jou lewe NOU kan verander. As jy in 'n ongelukkige huwelik of verhouding vasgevang is, net jy kan dit verander. Oor 10 jaar van nou af dink jy: As ek daai tyd my goed gevat en geloop het........En ja, ek weet hoe voel dit om te dink: maar waarheen sal ek gaan? Wat sal ek doen? Wat van my kinders? Wat van die mense? Vra hulp maatjies! Iewers is daar familie en vriende wat jou sal help! Hulle is dalk net nie eens bewus daarvan dat jy hulp nodig het nie! Net jy kan loskom uit die spiraal waarin jy vasgevang is. Elke mens wat vandag suksesvol is, het onder begin. Met groot moeite en baie hindernisse in die pad. Jy hoef nie iets groots aan te pak soos 'n eie besigheid of om te trek Australië toe nie. Gladnie. Skep vir jouself 'n realistiese doelwit. Iets bereikbaar. En go for it. Vandag nog.
Wie weet, dalk het jy aan die einde van jou pad gekom. Dalk het jy gebid vir 'n sign. Dalk is hierdie die sign.
Sent from my BlackBerry® wireless device

3 opmerkings: