So het ek natuurlik van 3 uur vanoggend af fokol geslaap. Daai super morbidly obese kat van Maggie, Felix, het teen die deur gekrap met sy twee voorpote dat dit klink soos Sylvester Stallone wat daai peerballetjie bliksem in die Rocky Movies. Ek dink dit was in Rocky XIII. Die kat is mos nou so ruk terug skynbaar aangeval deur 'n wildekat hier op Swartklip. Actually sommer in ons huis. Die wild life beweeg mos hier vryelik deur jou sitkamer. Obviously vanwee sy gewig kon Felix nie terugbaklei nie, en ook nie 'n quick getaway maak nie. In fact, hy kon ook nie 'n slow getaway maak nie. So is dit toe nou al die pad beskawing toe na 'n veearts toe. "Beskawing" gebruik ek nou "in the broadest possible sense of the word", want dis nou Thabazimbi toe. 65km weg. Felix ingeprop kant en wal in 'n katmandjie waarin 'n volwasse labrador gerieflik sou kon pas. Daar gekom het die verbysterde veearts hom natuurlik een kyk gegee en hom dadelik ge-enter in die Hill's diet. Dis nou nie die Beverley Hills diet nie, maar die katkos Hill's diet. Daai kos wat R700 'n sak kos wat jou 4 dae hou. Dis nou as die kat saam eet. Anyway. Felix is toe nou daar op 'n drup gesit en in ICU (wtf?) gehou vir amper 2 weke. Hy het toe nou 'n moerse comeback gemaak. En so begin my stryd toe nou met ons eie weergawe van The Biggest Loser. Feline division. Swartklip style. Goddank sponsor Hill's die dieet. Jy moet die kat nou net elke week invat om geweeg te word. Arme ding moet nou oor 'n tydperk van 49 weke 0.07 gram per week verloor. Altesaam 3.8kg moet hy nou afskud. So nou moet die pellets afgetel word (ek dink dit werk uit op R1,55 per pellet), en dan word die kat nou op die toonbank getel, dopgehou terwyl hy eet, 4 ander katte wat Spar se no- name brand pille vreet word verwilder, kat word afgetel, pille word bedek. To be repeated. En dis nou wat 3 uur in die oggende moet gebeur. Want dan is Felix nou honger. En dan moet ek nou nice wees as ek half 5 vir Maggie wakkermaak met koffie.
Geen opmerkings nie:
Plaas 'n opmerking